Motocross masaksihan na sa Skycable BeeTV 14

Ang gikahinaman nga aksiyon sa motocross ato nang masaksihan karon sa television diin ang Skycable’s BeeTV Channel 14 mo- telecast sa MS Motosuit Motocross Series nga magsugod sa alas 9:00 sa buntag.

Si MS Motosuit  race organizer Lou Ornopia nagkanayon nga ang usa ka oras nga pasundayag mohulagway sa maong torneyo matag Sabado gikan sa alas 9:00 hangtod sa alas 10:00 sa buntag diin ang tuyo ug tumong sa maong kalamboan mao ang pagpakita sa mga “local talents”  sa padayong pagsulbong sa maong natad sa paugnat sa kusog.

“It is just part of our dedicated efforts to promote motocross in the region,” matud pang Ornopia, who was recently awarded by the Sportswriters Association of Cebu (SAC) as “Sportsman of the Year.”

Sa pagkakaron, ang 2007 edition sa tinuig nga MS Motosuit Motocross Series nakapahigayon na og walo ka hut-ong, ang kataposan mao ang Mayor Martinez Cup sa miaging May 13 didto sa Poblacion, San Remigio.

Sunod nga hugna sa MS Motosuit, naglakip kini sa 2nd Tuburan Mayor’s Cup karong Hunyo 10 adto sa Dirt Diggers Race Track sa Tuburan, Cebu sa dili pa ang Rovies Cocolumber Cup sa umaabot Agosto 12 adto sa Asturias, Cebu.

Alang sa dugang kasayoran ug sponsorships sa MS Motosuit Motocross Series, kontaka lang ang mga numero (032-344-9663, (032) 255-8044, (032) 272-5273 ug (032)-346-6685, pwede sab mo-email sa [email protected]