Cardinal miawhag sa paghiusa

Dili lang ang mga magmamatigayon ang gibati og kahingawa sa mga nahitabong pagpanulis og bangko dinhi sa Sugbu kondili lakip na usab si Ricardo Cardinal, Arsobispo sa Sugbu.

Kini iyang gipadayag nunot usab sa nabaniog nga mga panghitabo nga bisan sa udtong tutok ang mga armadong mga lalaki mitulis sa La Nueva nga nahimutang duol sa Cebu City Hall.

Nakalas ang guwardiya nga si Procoro Esguera ug   naangol usab ang laing kauban kinsa anaa pa sulod sa tambalanan.

Ang laing panghitabo sa pagpanulis nga gikabalak-an sa arsobispo mao ang pagtulis sa Peninsula Rural Bank sa dalan Sotero Cabahug sa Ibabao Estancia, dakbayan sa Mandaue.

Human sa maong mga pagpanulis  nadugang ang kalambigitan sa pipila ka mga  polis sa dili maayong binuhatan ug nadakpan sa National Bureau of Investigation.

Nunot niini maoy gisugyot ni Cardinal Vidal ang paghimo og mga lakang sa kagamhanan alang sa pagsulbad sa maong mga krimen.

Gipanghinaut niya nga unta magkahiusa na ang mga lider sa kagamhanan ug wad-on na ang kasilag ug pagdumot alang sa kahapsay ug kalinaw.